Sosial

Ana səhifə

Sosial

Prezident İlham Əliyev paytaxtın Xəzər rayonunda üç məktəbin təmirdən çıxan binalarına baxış keçirib - VİDEO

Prezident İlham Əliyev paytaxtın Xəzər rayonunda üç məktəbin təmirdən çıxan binalarına baxış keçirib - <span style="color: red;">VİDEO

14 sentyabr 2013 16:37 (UTC +04:00)

Bakı – APA. Azərbaycan prezidenti İlham Əliyev və xanımı Mehriban Əliyeva bu gün Bakı şəhərinin Xəzər rayonundakı 234, 125 və 121 nömrəli orta məktəblərin binalarının əsaslı təmir və yenidənqurmadan sonrakı vəziyyəti ilə tanış olublar.

APA-nın məlumatına görə, prezident və xanımı əvvəlcə 234 nömrəli orta məktəbin binasında aparılan əsaslı təmir və yenidənqurma işləri ilə tanış olublar.

Bakı şəhər İcra Hakimiyyətinin başçısı Hacıbala Abutalıbov görülən işlərlə bağlı dövlət başçısına məlumat verib və bildirib ki, 234 nömrəli orta məktəb 1980-ci ildə inşa olunub, hazırda 1 176 yerlik məktəbdə 850 şagird təhsil alır. Məktəbin bütün sinif otaqları, fənn kabinetləri, yeməkxanası, kitabxanası, akt və idman zalları təmir edilib, yüksək standartlara uyğun şərait yaradılıb. Tədris müəssisəsində kompyuter sinifləri fəaliyyət göstərəcək. Məktəbin işıqlandırma və istilik sistemi yenidən qurulub, ərazidə abadlıq və yaşıllaşdırma işləri görülüb.

Sonra 125 nömrəli orta məktəbə baxış keçirilib. Prezidentə məlumat verilib ki, məktəb 1939-cu ildə inşa olunub, 2011-ci ildə ölkə başçısı bu məktəbdə olarkən yeni binanın inşası barədə göstəriş verib. Hazırda 760 yerlik yeni məktəbdə 560 şagird təhsil alır.

Daha sonra ölkə başçısı və xanımı Binə qəsəbəsindəki 121 nömrəli orta məktəbdə yaradılan şəraitlə tanış olublar. Burada görülən əsaslı təmir və yenidənqurma işləri ilə bağlı məlumat verilib. Belə ki, 1934-cü ildə inşa olunan məktəbdə 2006-2007-ci illərdə əlavə korpus inşa edilib. Məktəbin köhnə korpusu yararsız vəziyyətdə olduğuna görə, 2012-ci ildə sökülərək müasir standartlara uyğun 400 şagird yerlik yeni korpus inşa olunub. Hazırda 1 040 yerlik məktəbdə 870 şagird təhsil alır.