Xaçmaz. Vəli Turan – APA. Xaçmaz rayonunda əmək yarmarkası keçirilib. APA-nın şimal bürosunun verdiyi məlumata görə, yarmarkaya 41 müəssisə tərəfindən 457 iş yeri təklif olunub ki, bunun 253-ü qulluqçu, 204-ü fəhlə, 34-ü xidmət sahəsinə aid iş yeri olub. Dövlət müəssisələri 265, qeyri-dövlət təşkilatları 117, fiziki şəxslər tərəfindən 75 iş yeri təklif edilib. Yarmarkada 370 iş axtaran iştirak edib.
Əmək yarmarkasında təklif olunan iş yerləri arasında səhiyyə və kənd təsərrüfatı sahələri üstünlük təşkil etdirib. İş axtaranlardan 74 nəfərə göndəriş verilib, 12 nəfər satıcı, nəzarətçi-kassir ixtisası üzrə kurslara cəlb edilib.
Yarmarkanın təşkil olunmasında əsas məqsəd ixtisası üzrə iş tapa bilməyənlərə yardım etmək, boş qalan iş yerləri haqqında məlumat verməkdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
