Bakı-APA. Regionda hökm sürən qeyri-sabitlik Türkiyəni terrorçuların hədəfinə çevirib.
APA-nın CNN Turk-ə istinadən verdiyi məlumata görə, bunu Ankarada baş verən terror aktından sonra Türkiyə prezidenti Rəcəb Tayyib Ərdoğan bəyan edib.
Onun sözlərinə görə, Türkiyə terrorizmlə mübarizəni qətiyyətlə davam etdirmək əzmindədir: “Türkiyə özünümüdafiə hüququndan istifadə etməkdə davam edəcək. Terrorçular məğlub olduqları üçün dinc insanları hədəfə alırlar. Buna baxmayaraq, terrorçular məhv ediləcəklər”.
Xatırladaq ki, martın 13-də Türkiyənin paytaxtı Ankarada baş verən terror aktı nəticəsində 34 nəfər ölüb, 125 nəfər yaralanıb. 34 nəfərin vəziyyəti ağır kimi qiymətləndirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
