Göyçay. Elvin Yaqubov-APA. Göyçayda fərdi yaşayış evində yanğın hadisəsi olub.
APA-nın yerli bürosunun xəbərinə görə, hadisə Göyçay şəhərinin Ü.Hacıbəyov küçəsində qeydə alınıb.
Rayon sakini 1982-ci il təvəllüdlü Əsədov Elşən Fərrux oğluna məxsus ümumi sahəsi 460 kvadratmetr olan 3 otaqlı mənzildə baş verən yanğının söndürülməsi üçün əraziyə iki yanğınsöndürən avtomobil və canlı qüvvə cəlb edilib. Hadisə zamanı evin 3 kvadratmetrlik hissəsi yanıb. Yanğın vaxtında söndürülüb və alovun genişlənməsinin qarşısı alınıb. Hadisə zamanı xəsarət alan olmayıb. Yanğının hansı səbəbdən baş verdiyi məlum deyil.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
