Bakı. Vüsal Nəbiyev - APA-Economics. Bakı Telefon Rabitəsi İstehsalat Birliyində (BTRİB) ciddi kadr dəyişikliyi olub.
"APA-Economics" xəbər verir ki, birliyin Stansiya qurğularının istismarı şöbəsinin rəisi Qaryağdı Nağıyev, Xətt Qurğularının İstismarı şöbəsinin rəisi Kərəm Məmmədov işdən çıxarılıb.
Bundan başqa, birliyin Sorğu-məlumat sexinin rəisi Əhliman İsmayılov pensiya yaşı ilə əlaqədar olaraq qanunvericiliyə uyğun şəkildə təqaüdə göndərilib.
BTRİB-dən məsələ ilə şərh verilməyib.
Qeyd edək ki, BTRİB Rabitə və Yüksək Texnologiyalar Nazirliyinin tabeliyində fəaliyyət göstərir.