Bakı. Şəhriyar Əlizadə - APA. Bakıda xuliqanlıq edən şəxslər saxlanılıb.
APA-nın DİN-in saytına istinadən verdiyi məlumata görə, fevralın 24-də Qaradağ rayonunun Ələt qəsəbəsində qəsəbə sakini İlqar Qələmov xuliqanlıq zəminində həmyerliləri Vüqar Paşayevə məxsus dönərxananın və Əhəd Niyazova məxsus “Mercedes” markalı avtomobilin şüşələrini sındırıb.
Qaradağ RPİ 11-ci PB əməkdaşlarının həyata keçirdikləri əməliyyat-axtarış tədbirləri nəticəsində İ.Qələmov tutulub. Onun yüngül dərəcəli sərxoş vəziyyətdə olması müəyyən edilib.
Faktla bağlı araşdırma aparılır.