Bakı – APA. Bakı Dövlət Universitetinin Ekologiya və torpaqşünaslıq, Biologiya fakültəsinin dosentləri Elmina Qədirli, Səbinə Ömərova və Yaşar Ömərov Tempus proqramı çərçivəsində İspaniyanın L-Coruna Universitetində olublar.
BDU-nun mətbuat xidmətindən APA-ya verilən məlumata görə, ətraf mühitin mühafizəsi ilə bağlı treninqlərə qatılan BDU əməkdaşları universitetin laboratoriyalarında olublar, elmi tədqiqat işlərində iştirak ediblər.
Proqramın sonunda BDU dosentləri L-Coruna Universitetinin sertifikatlarına layiq görülüblər.