Bakı. Türbət Bağırova - APA. Azərbaycan prezidenti İlham Əliyevin İrana səfəri zamanı iki ölkə arasında viza məsələsi ilə bağlı müzakirələr aparılıb.
APA-nın xəbərinə görə, bunu İranın Azərbaycandakı səfiri Möhsun Pak Ayin keçirdiyi mətbuat konfransında deyib. O bildirib ki, tərəflər turizm əlaqələrinin inkişafı üçün viza probleminin həllinin vacibliyini vurğulayıblar: “İran vətəndaşları üçün viza rejimi ya birdəfəlik aradan qaldırılacaq, ya da vizaların verilməsi hava limanlarında və ya sərhəd-keçid məntəqələrində həyata keçiriləcək”.