Bakı. Fərid Mirzəyev - APA. Azərbaycan Milli Elmlər Akademiyasının (AMEA) Nəsimi adına Dilçilik İnstitutuna yeni direktor təyin olunub.
APA-nın xəbərinə görə, AMEA rəhbərliyinin qərarı ilə bir müddət əvvəl institutun direktoru vəzifəsini icra edən Möhsün Nağısoylu bu vəzifəyə təyinat alıb.
AMEA-nın vitse-prezidenti İsa Həbibbəyli M. Nağısoylunu kollektivə təqdim edib.
Qeyd edək ki, Dilçilik İnstitutunun direktoru akademik Tofiq Hacıyev noyabrın 27-də mənzilində dəm qazından boğularaq dünyasını dəyişib.