Bakı-APA. BMT Baş Assambleyasının 71-ci sessiyasında iştirak etmək üçün Nyu-Yorka səfər edən Türkiyə prezidenti Rəcəb Tayyib Ərdoğan Qətər Dövlətinin əmiri Şeyx Təmim bin Həməd Al Tani ilə görüşüb.
APA-nın “Anadolu” agentliyinə istinadən verdiyi xəbərə görə, görüş “Peninsula New York Hotel”-də baş tutub. Qətər şeyxini Türkiyənin xarici işlər naziri Mövlud Çavuşoğlu qarşılayıb.
Məlumata əsasən, Türkiyə prezidenti ilə Qətər Şeyxi arasında 1 saat 20 dəqiqə davam edən görüş mətbuat üçün qapalı keçirilib.