Bakı. Şəhriyar Əlizadə -APA. 1 saylı Bakı İnzibati İqtisad Məhkəməsində “Azadlıq” radiosunun Azərbaycan nümayəndəliyinin Vergilər Nazirliyinə qarşı iddiası üzrə məhkəmə başa çatıb.
APA-nın məlumatına görə, məhkəmə iddianı mümkünsüz sayıb.
Qeyd edək ki, nümayəndəlik 2015-ci ilin yanvarından 2016-cı ilin martınadək “Azadlıq” radiosunun Azərbaycan nümayəndəliyində aparılan yoxlama nəticəsində vergi orqanının tərtib etdiyi "Akt"ın ləğvi və həmin "Akt" əsasında çıxarılan qərarın etibarsız sayılmasına dair iddia ilə məhkəməyə müraciət edib.