Bakı – APA. Topaz Premyer Liqasında III turun oyunları bir dəqiqəlik sükutla başlayacaq. Bu barədə apasport.az saytına Peşəkar Futbol Liqasının (PFL) Mətbuat və İctimaiyyətlə Əlaqələr Departamentinin rəhbəri Aslan Şahgəldiyev məlumat verib.
Buna səbəb I divizion təmsilçisi “Zaqatala” klubunun düşərgəsində baş verən ölüm hadisəsidi.
Belə ki, yenidən kollektivə qayıdan nigeriyalı futbolçu Maykl Umanyika komandanın dünənki məşqi zamanı dünyasını dəyişib. Bu səbəbdən də PFL-in təşəbbüsü ilə çempionatın həftəsonu keçiriləcək III turunun bütün qarşılaşmalarından öncə bir dəqiqəlik sükut olacaq.
Qeyd edək ki, III turda “Zirə” – AZAL, “İnter” – “Kəpəz” (19 avqust), “Qarabağ” - “Neftçi” (20 avqust) və “Qəbələ” – “Sumqayıt” (21 avqust) oyunları baş tutacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
