Tiflis. Nizami Məmmədzadə - APA. Gürcüstanda azərbaycanlı ailəsində üçəm doğulub.
APA-nın Gürcüstan bürosunun məlumatına görə, martın 14-də Qardabani rayonun Nəzərli kəndindən olan Nuridə Abdullayeva Tiflisin Quduşauri doğum xəstəxanasında üçəm körpə dünyaya gətirib. Körpələrdən ikisi qız, biri oğlandır. Onlar Nuridə və Oqtay Abdullayevin ilk övladlarıdır.
Üçəmlərin babası ATV-nin Gürcüstan üzrə xüsusi müxbiri Nadir Almazoğludur. N. Almazoğlu APA-nın əməkdaşına bunları deyib: “Bir il əvvəl ailə quran qızım Nuridənin üç övladı olub. Qızımın və körpələrin durumu normaldır. Üçəmlərdən birinin çəkisi 1,9, digərləri 1, 95 kq-dır. Boyları isə 45, 46 və 47 sm-dir. Onlara Elif, Eylül və Elvin adları qoyulub”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
