Bakı. Məlahət Nəcəfova - APA. Ermənistanda Avetisyanlar ailəsinin qətlində ittiham olunan rusiyalı hərbçi Valeri Permyakova hökm avqustun 23-də oxunacaq.
APA-nın “Armenpress”ə istinadən verdiyi məlumata görə, bu gün Gümrüdə Rusiyaya məxsus 102-ci hərbi bazanın ərazisində Permyakov işi ilə bağlı növbəti məhkəmə iclası keçirilib.
Təqsirləndirilən şəxsin vəkili Eduard Aqadjanyan müdafiə nitqi ilə çıxış edib. Rusiyalı hərbçi son söz deməkdən imtina edib.
Qeyd edək ki, 2015-ci il yanvarın 12-də Gümrü şəhərində Avetisyanlar ailəsi güllələnib. Cinayəti törətməkdə Gümrüdə yerləşən Rusiyaya məxsus 102-ci hərbi bazasının əsgəri Valeri Permyakov şübhəli bilinib. Rusiya qarnizon məhkəməsi onu fərarilik və silah oğurladığına görə, cəzasını ciddi rejimli cəzaçəkmə müəssisəsində çəkməklə, 10 il müddətinə azadlıqdan məhrum edib. 2015-ci ilin yanvarın 12-də Avetisyanlar ailəsinin 6 üzvünün qətlə yetirilməsi faktı üzrə cinayət işi əlavə icraata ayrılaraq Ermənistan tərəfinə verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
