Bakı-APA. Sabah Danimarkanın Kopenhagen şəhərində ATƏT Parlament Assambleyasının Büro iclası keçiriləcək.
Milli Məclisin mətbuat xidmətindən APA-ya verilən məlumata görə, iclasda Milli Məclisin ATƏT PA-da nümayəndə heyətinin üzvü, Parlament Assambleyasının Siyasi məsələlər və təhlükəsizlik komitəsinin sədr müavini Azay Quliyev iştirak edəcək.
İclasda ATƏT PA-nın yay sessiyasında müzakirə olunacaq layihələr təqdim ediləcək, ATƏT PA-nın fəaliyyəti, seçkiləri müşahidə missiyaları və keçiriləcək tədbirlər barədə fikir mübadiləsi aparılacaqdır.