Bakı - APA-Economics. Avropa Qran-prisinin Azərbaycandakı təşkilatçısı "Baku City Circuit" (BCC) gələn il iyun ayında keçiriləcək "Formula-1" yarışı ilə bağlı hazırlıq işlərini həyata keçirir.
BCC-dən "APA-Economics"ə verilən məlumata görə, paytaxtın yarış trekinin üzərinə düşən mərkəzi küçələrində təmir-tikinti işləri qismən həyata keçirilir.
Bu gündən etibarən Puşkin küçəsinin Üzeyir Hacıbəyov və Xəqani küçələrinin kəsişmələri arasında yol asfalt örtüyünün təmirinə bağlanıb.
Bundan əlavə, Bül-bül prospekti qismən təmirdədir, lakin avtomobillərin hərəkəti tam məhdudlaşdırılmayıb.
Qeyd olunan təmir işlərinin bitmə tarixi dəqiq məlum deyil.
Xəqani küçəsinin Rəşid Behbudov və Azadlıq prospekti ilə kəsişmələrində dekabr ayının 2-dən başlayan təmir işləri artıq başa çatıb.
Xatırladaq ki, yarışdan öncə salınacaq və "Formula-1" yarışı standartına cavab verən yenilənmiş yollar daimidir və Qran-pridən sonra paytaxt sakinlərinin istifadəsində olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
