Xarici siyasət

Ana səhifə

Xarici siyasət

İran XİN: Azərbaycan və Ermənistan icazə verməməlidir ki, xarici oyunçular bölgədə böhran yaratsınlar

11 aprel 2016 10:05 (UTC +04:00)

Tehran. Süleyman Fərzəliyev – APA. “Qarabağ böhranı danışıqlar yolu ilə həll olunmalıdır”.

APA-nın Tehran bürosunun məlumatına görə, bunu İran Xarici İşlər Nazirliyinin sözçüsü Hüseyn Cabiri Ənsari deyib. O bildirib ki, tərəflər problemi beynəlxalq hüquq və BMT mexanizmləri əsasında həll etməlidirlər: “Azərbaycan və Ermənistan icazə verməməlidir ki, xarici oyunçular bölgə üçün təhlükəli olacaq böhran yaratsınlar. Bizim düşüncəmiz budur ki, münaqişə danışıqlar yolu ilə həll olunmalıdır. İranın xarici siyasəti qonşu ölkələrlə, o cümlədən Qafqaz ölkələri ilə əlaqələri inkişaf etdirməkdən ibarətdir. İran xarici işlər nazirinin azərbaycanlı və rusiyalı həmkarları ilə görüşlərində bu məsələ tam aydın görünüb".

Ramsər və Bakıda keçirilən üçtərəfli görüşlər haqqında danışan H. C. Ənsari qeyd edib ki, bu görüşlərdə yeni qərarlar qəbul olunub və hazırda həmin qərarların icrası istiqamətində iş gedir.