Bakı. Şəhriyar Əlizadə - APA. Bakıda oğurluq və soyğunçuluqda şübhəli bilinən şəxslər saxlanılıb.
APA-nın DİN-in saytına istinadən verdiyi məlumata görə, Nəsimi rayon Polis İdarəsinin 22-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində fevralın 10-da Əli Ağamalıyevə məxsus telefon təmiri servisindən 306 manat və mobil telefon oğurlamış Abşeron rayon sakini Mirmahmud Nəbiyev tutulub.
Yasamal rayon 27-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində ötən il oktyabrın 28-də Nübar Əliyevaya məxsus içərisində pul və sənəd olan çantanı soyğunçuluq yolu ilə almış Bakı şəhər sakini Nicat Süleymanov saxlanılıb.
Faktlarla bağlı araşdırma aparılır.