Moskva. Fərid Əkbərov - APA. Rusiya Xəzər dənizində hərbi təlimlərə başlayıb.
APA-nın Moskva müxbirinin verdiyi xəbərə görə, bu barədə Cənub Hərbi Dairəsinin mətbuat xidməti məlumat yayıb.
Təlimlərdə Rusiya Xəzər donanmasının 30-a yaxın döyüş gəmisi və kateri iştirak edir. Təlimlərə mindən çox hərbçi, 100-ə yaxın hərbi və xüsusi texnika cəlb olunub.
Təlimlər Xəzər donanmasının 2016-cı il üçün hazırlıqlar və fəaliyyət planına uyğun keçirilir.