Bakı – APA. Serbiya prezidenti Tomislav Nikoliç Azərbaycan prezidenti İlham Əliyevə “Günəşli” yatağında baş vermiş faciə ilə əlaqədar başsağlığı verib.
APA-nın məlumatına görə, T. Nikoliçin məktubunda deyilir:
“Hörmətli cənab prezident, güclü qasırğa nəticəsində Xəzər dənizinin “Günəşli” yatağında baş vermiş faciə ilə əlaqədar Serbiya vətəndaşları adından və şəxsən öz adımdan sizə dərin hüznlə başsağlığı verirəm. Həlak olanların doğmalarının və yaxınlarının kədərini bölüşür, xəsarət alanlara tezliklə sağalmalarını arzu edirik. Zati-aliləri, xahiş edirəm yüksək ehtiramımı qəbul edəsiniz”.
İ. Əliyevə həmçinin Litva prezidenti Dalya Qribauskayte və Moldova prezidenti Nikolaye Timofti başsağlığı veriblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
