Gürcüstanın sabiq prezidenti, Ukrayna vətəndaşlığından məhrum edilmiş Mixail Saakaşvili Polşanı tərk edib.
APA-nın xəbərinə görə, bu barədə Polşanın ZET radiosu məlumat yayıb. Polşa Sərhəd Xidməti M. Saakaşvilinin hansı ölkəyə getdiyi və sərhədi keçərkən hansı sənədi təqdim etdiyi barədə hər hansı rəsmi açıqlama verməyib.
Xatırladaq ki, M. Saakaşvili Varşava üsyanının növbəti ildönümü ilə əlaqədar Polşaya səfər etdiyini və digər Avropa ölkələrinə də səfər edəcəyini açıqlayıb. Gürcüstan hökuməti isə Polşaya rəsmi sorğu ilə müraciət edərək sabiq prezidentin bu ölkədə olub-olmadığı ilə maraqlanıb. Gürcüstan Baş Prokurorluğundan bildiriblər ki, M. Saakaşvili Cinayət Məcəlləsinin 4 maddəsi ilə ittiham olunur və onu 11 ilədək həbs gözləyir.
Qeyd edək ki, iyulun 26-da M. Saakaşvilinin Ukrayna vətəndaşlığından çıxarılması barədə məlumat yayılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
