Bu gün Təhsil Nazirliyində “Elektron təhsil” respublika müsabiqəsi qaliblərinin mükafatlandırılması mərasimi keçirilib. APA-nın xəbərinə görə, tədbirdə təhsil nazirinin müavini Ceyhun Bayramov bildirib ki, müsabiqədə ümumi təhsil müəssisələrinin pedaqoji heyəti, pedaqoji kadrların ixtisasartırma və yenidənhazırlanması ilə məşğul olan qurumların metodist mütəxəssisləri, şagirdlər iştirak ediblər. Onun sözlərinə görə, müsabiqənin keçirilməsində əsas məqsəd elektron tədris resurslarının, internet texnologiyalarının tədris prosesinə tətbiqini fəallaşdırmaq, tədris məqsədləri üçün internetdən istifadənin yeni üsullarını öyrənmək və informasiya texnologiyalarından fəal istifadə edən müəllimləri həvəsləndirməkdən ibarətdir: “3 istiqamət və 6 nominasiya üzrə təşkil olunan müsabiqəyə ümumilikdə 1313 layihə təqdim olunub. Müsabiqənin yekununda 23 qalib və 24 fərqlənən iş müəyyən edilib. Ümumilikdə isə 2010-cu ildən etibarən keçirilən “Elektron təhsil” respublika müsabiqəsinə ümumilikdə 6000-dən artıq layihə təqdim edilib”.
Tədbirin davamında qaliblərə mükafatlar təqdim olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
