Moskvada bir neçə şəxsi girov götürmüş Aram Petrosyanın həbs müddəti uzadılıb.
APA-nın “RİA Novosti”yə istinadən verdiyi məlumata görə, məhkəmənin qərarına əsasən, A. Petrosyan aprelin 24-dək həbsdə qalacaq.
Bu müddətədək kompleks psixoloji-psixiatrik və psixoloji-linqvistik ekspertizaların nəticələri, habelə əməliyyat-axtarış tədbirlərinin görülməsinə dair tapşırıqlar alınmalıdır və yekun ittiham aktı elan edilməlidir. A. Petrosyan barəsində qərarın ev dustaqlığı ilə əvəz olunması üçün hakimə müraciət edib.
Qeyd edək ki, A. Petrosyan insanları girov götürməkdə və terrorçuluqda ittiham olunur. İstintaq onun psixoloji vəziyyətini müəyyənləşdirmək üçün ekspertiza təyin edib. İlk ambulator ekspertiza onun anlaqlı olduğunu müəyyən edib.
Xatırladaq ki, 2016-cı ilin avqustunda A. Petrosyan “Sitibank”a daxil olaraq 4 nəfəri girov götürüb. Sonra girovları azad edən erməni əsilli iş adamı hüquq-mühafizə orqanlarına təslim olub. Onun üzərindəki paketin partlayıcı qurğu olmadığı müəyyən edilib. A. Petrosyanın sözlərinə görə, öz addımı ilə o, diqqəti müflis olan sahibkarların problemlərinə yönəltmək istəyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
