Oktyabrın 23-də “Əl-Qaidə” terror qruplaşmasının Əfqanıstandakı liderlərindən biri Fərruh əl-Kətani məhv edilib.
APA-nın məlumatına görə, bu barədə Pentaqonun rəsmi nümayəndəsi Piter Kuk bildirib.
“Hazırda biz onun müavini Bilal əl-Mütaybinin hava zərbəsi nəticəsində sağ qalıb-qalmamasını araşdırırıq”, deyə P.Kuk bildirib.
Oktyabrın 27-də pilotsuz hərbi təyyarənin endirdiyi hava zərbəsi nəticəsində terrorçuların məhv edildiyinə dair məlumatlar yayılmışdı.
Qeyd edək ki, ABŞ 2001-ci ildə “Taliban” hərəkatı və “Əl-Qaidə” qruplaşması ilə mübarizə məqsədi ilə Əfqanıstana qoşun yeridib. ABŞ hərbçiləri 2014-cü ilədək Əfqanıstanı tərk etməli idilər, lakin ölkə rəhbərliyi rəsmi Vaşinqtondan ordunun tam çıxarılmasının ləngidilməsini xahiş edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
