Rusiyanın Yekaterinburq şəhərində yük maşının iki minik avtomobili ilə toqquşması nəticəsində 8 nəfər ölüb, iki nəfər xəsarət alıb.
APA-nın “RİA Novosti”yə istinadən verdiyi xəbərə görə, qəza nəticəsində ağır xəsarətlər alan 8 şəxs hadisə yerində keçinib. İki nəfər ağır vəziyyətdə xəstəxanaya yerləşdirilib.
Məlumata görə, yük maşını hərəkətdə olarkən təkərlərdən biri yerindən qopub. Nəticədə idarəetməni itirən yük maşını qonşu zolaqla hərəkətdə olan iki “UAZ” markalı avtomobilin üstünə aşıb.
“UAZ”larda yerli tikinti-montaj xidmətləri üzrə müəssisənin işçilərinin olduğu bildirilir. Avtomobillərdən birində 6, digərində isə 5 nəfər olub. Hadisə yerində 8 işçi ölüb, 2 nəfər isə ağır vəziyyətdə xəstəxanaya yerləşdirilib. Bir nəfərin heç bir xəsarət almadığı qeyd olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
