2018-ci ildə Azərbaycanda büdcə profisitlə icra olunacaq.
Bu barədə “APA-Economics” “Fitch” beynəlxalq reytinq agentliyinin yaydığı məlumata istinadən xəbər verir. Bildirilir ki, neft və qaz sektorundan daxilolmaların artması büdcənin profisitlə icra olunmasına səbəb olacaq.
"2018-ci ilin yenidən baxılmış dövlət büdcəsində artımı proqnozlaşdırılan daxilolmalar əsaslı xərclərə, o cümlədən əsaslı kapital qoyuluşunun 1,6 mlrd. manat genişlənməsinə sərf olunacaq", - deyə hesabatda vurğulanıb.
Məlumatda qeyd olunub ki, bu il Azərbaycan Dövlət Neft Fondundan dövlət büdcəsinə transfert 13% artaraq 11 mlrd. manat təşkil edəcək: "Bundan başqa, SOCAR-a 0,96 milyard manat həcmində dövlət dəstəyi göstəriləcək".