Böyük Britaniya hökuməti Formula 1 Qran Prisi çərçivəsində Bakıya səfər edəcək vətəndaşlarına səfər tövsiyəsi verib.
APA-nın Britaniya hökumətinin saytına istinadən verdiyi məlumata görə, tövsiyədə Britaniya vətəndaşlarının Azərbaycana daxil olması üçün viza tələb olunduğu qeyd olunub. Həmçinin vətəndaşlar üçün Azərbaycanda aprelin 27-29-da Qran Pri keçiriləcək vaxtda havanın temperaturu və nəqliyyat imkanları barədə məlumat verilib.
Qeyd olunur ki, Bakıda cinayətin səviyyəsi aşağıdır. Bununla belə, Britaniya hökuməti vətəndaşlarını ehtiyatlı olmağa çağırıb.