Bu gün Topaz Premyer Liqasında XIII tura yekun vurulub. Apasport.az saytının məlumatına görə, son oyun günündə 1 görüş keçirilib.
Turun mərkəzi qarşılaşmasında “Qarabağ” “Qəbələ”ni qəbul edib. Görüşdə ilk hissə qolsuz başa çatıb.
İkinci hissədə Filip Ozobiç fərqlənərək qonaqları hesabda önə çıxardıb. Ancaq Roman Qriqorçukun yetirmələri üstünlüyünü qoruya bilməyiblər.
Matçın 87-ci dəqiqəsinə hakim Rəhim Həsənov qonaqların qapısına şübhəli penalti təyin edib. Belə ki, top Stankoviçin üzünə dəysə də, referi bunu penalti kimi dəyərləndirib. Almeyda isə ona təqdim olunmuş bu şansı boşa verməyib.
Oyuna əlavə olunmuş dördüncü dəqiqədə isə Almeyda Filip Ozobiçi başla vurduğu üçün meydandan qovuldu.
Bundan bir dəqiqə sonra isə Əfran İsmayılovun sağ cinahdan ötürməsini Dino Ndlovu qola çevirib.
Topaz Premyer Liqası
XIII tur
29 noyabr (çərşənbə axşamı)
“Qarabağ” – “Qəbələ” - 2:1
Qırmızı vərəqə: Almeyda, 90+2 (rəqibi vurduğu üçün)
Qollar: Almeyda, 86 (pen.), Dino Ndlovu, 90+5 - Ozobiç, 64
I dövrədəki oyun: 0:2
Hakimlər: Rəhim Həsənov, Namiq Hüseynov, Akif Əmirəli, Coşqun Həsənov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Ramiz Mustafayev
Hakim-inspektor: Məlik Həsənov
“Azərsun Arena”
Turnir cədvəli
Bombardir: Baqali Dabo (“Qəbələ”) - 7