Britaniyanın baş naziri Tereza Mey ölkənin xarici işlər və digər nazirləri istefaya göndərməklə təhdid edib.
APA-nın “The Times” qəzetinə istinadən verdiyi xəbərə görə, xarici işlər naziri Boris Conson və digər nazirlər ölkənin Avropa İttifaqından çıxmaqla bağlı planını pozmağa cəhd etsələr, postlarını itirəcəklər.
“Biz hələki “Brexit”lə bağlı mövqeyimiz üzərində işləyirkən kabinetdə olan həmkarlarıma şəxsi mövqelərini ifadə etməyə icazə vermişəm. İndi, təkliflər razılaşdırıldığında hər şey fərqlidir və kollektiv şəkildə işə məsuliyyətli yanaşmanın vaxtıdır”.
Qeyd edək ki, Britaniyalı nazirlərin bəziləri Londonun “Brexit”ə dair kollektiv mövqeyi ilə razılaşıblar. Xarici işlər naziri Conson isə bəzi müddəalarla razılaşmayaraq, onları ağılsız adlandırıb.
”Brexit” üçün London strategiyası gələn həftə rəsmən nəşr olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
