Sabunçu Rayon Polis İdarəsinin 13-cü Polis Bölməsinə mayın 20-də saat 17 radələrində Bakıxanov qəsəbəsində yaşayan A.Baxşıyevin evinin həyətinə girmiş 2 nəfərin oradan əlvan metal oğurlayarkən ev sahibinin qonağı olan qohumu, Bakı şəhər sakini Ə.Baxşıyevin onlardan birini tutmağa cəhd göstərməsi, bu zaman həmin şəxslərin ona bıçaqla xəsarət yetirərək aradan çıxmalaraı barədə müraciət daxil olub.
DİN-in mətbuat xidmətindən APA-ya verilən məlumata görə, faktla bağlı Cinayət Məcəlləsinin 181-ci (quldurluq) maddəsi ilə cinayət işi başlanılıb.
Araşdırmalar zamanı mayın 14-də həmin evdən məişət əşyalarının və inşaat materiallarının oğurlandığı da müəyyən edilib.
Təxirəsalınmaz əməliyyat-axtarış tədbirləri nəticəsində quldurluğu törətməkdə şübhəli bilinən 2 nəfər qısa müddətdə müəyyən edilərək polis əməkdaşları tərəfindən saxlanılıb.
Onların hər ikisinin paytaxt sakini və yeniyetmə olduqları məlum olub. Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
