Xaçmazda bıçaqlanma hadisəsi baş verib. APA-nın şimal bürosunun verdiyi məlumata görə, şəhərin Həzi Aslanov küçəsində yaşayan 35 yaşlı Novruzov Nahid Vidadi oğlu bıçaqlanıb. 4 bıçaq zərbəsi alan yaralı müxtəlif bədən xəsarətləri ilə Xaçmaz Mərkəzi Rayon Xəstəxanasına çatdırılıb. Cərrahiyyə şöbəsinə yerləşdirilən yaralı əməliyyat olunub, vəziyyəti orta-ağırdır.
Faktla bağlı Xaçmaz Rayon Polis Şöbəsində cinayət işi başlanıb, araşdırmalar davam etdirilir.