Rusiya Xarici İşlər Nazirliyi prezident Vladimir Putinə ABŞ səfirliyinin 31 diplomatını və Sankt-Peterburqdakı baş konsulluğun 4 əməkdaşını ölkədən çıxarmağı təklif edib.
APA-nın “RİA Novosti”yə istinadən verdiyi məlumata görə, bunu Rusiya xarici işlər naziri Sergey Lavrov deyib.
O hesab edir ki, ABŞ tərəfinin hərəkəti cavabsız qalmamalıdır.
Xatırladaq ki, ABŞ 35 rusiyalı diplomatın ölkədən çıxarılması barədə qərar qəbul edib.