İcbari Sığorta Bürosu (İSB) tərəfindən növbəti kompensasiya ödənişi həyata keçirilib.
İSB-dən “APA-Economics”ə verilən xəbərə görə, 10 aprel 2014-cü il tarixində Qaradağlı-Quzanlı yolunun Ağdam rayonunun, Xındırıstan kəndi ərazisindən keçən hissəsində baş vermiş yol-nəqliyyat hadisəsində bir nəfərin ölümü ilə əlaqədar 5 min manat, digərinin yüngül dərəcəli bədən xəsarətləri alması ilə əlaqədar isə min manat məbləğində kompensasiya ödənişləri Azərbaycan vətəndaşlarına poçt vasitəsi ilə köçürülüb.