Bu gün Bakı Ağır Cinayətlər Məhkəməsində külli miqdarda dələduzluqda təqsirləndirilən Rəşad Babayev və Elnur Həsənovun cinayət işi üzrə məhkəmə prosesi başa çatıb.
APA-nın xəbərinə görə, hakim Azad Məcidovun sədrliyi ilə keçirilən prosesdə hökm oxunub.
Hökmə əsasən, hər iki şəxs barəsində 3 il sınaq müddəti təyin edilməklə, şərti cəza seçilib.
Qeyd edək ki, təqsirləndirilən şəxslər kompüter alqı-satqısı adı ilə aşıq Namiq Fərhadoğluna 54 min 500 manat məbləğində dələduzluq edib. İş üzrə daha bir neçə şəxs zərərçəkmiş qismində tanınıb.
N. Fərhadoğlu ona qarşı dələduzluq edən şəxsləri bağışlayıb.