Zaqatala rayonunda yerli sakinin həyatını sərhədçilərin köməkliyi ilə xilas etmək mümkün olub.
Dövlət Sərhəd Xidmətinin mətbuat mərkəzindən APA-ya bildirilib ki, rayonun Mazıx kənd sakini, 1956-cı il təvəllüdlü Abakarova Həpsət Məhəmməd qızı öz həyətyanı sahəsində işləyərkən onu ilan sancıb, təcili olaraq rayon xəstəxanasına çatdırılıb.
H. Abakarovanın həyatını xilas etmək üçün ona təcili ilan zərdabının vurulması zərurəti ilə əlaqədar DSX sərhəd qoşunlarının Zaqatala sərhəd dəstəsinə müraciət olunub. Şəxsi heyətin ilan sancması hallarında istifadə etmək məqsədilə hərbi hissənin tibb məntəqəsində saxlanılan ilan zərdabı rayon xəstəxanasına göndərilib və vətəndaşın həyatı xilas edilib.