“Demokratik hərəkat – vahid Gürcüstan” partiyasının sədri Nino Burcanadze işğal altında olan Cənubi Osetiya və Abxaziyaya səfər etməyi planlaşdırır.
APA-nın yerli bürosunun partiyanın mətbuat xidmətinə istinadən verdiyi məlumata görə, əsas məqsədi yerli əhali ilə görüşməkdir.
“Nino Burcanadze çıxışlarında bildirir ki, əsas prioritet abxaz və osetinlərlə birbaşa dialoq olmalıdır. O, Abxaziya və Cənubi Osetiyanın müstəqilliyini tanımır. Həmin bölgələrdə yaşayan insanlarla əlaqə bərpa olunmalıdır”, - deyə partiyadan bildirilib.
Qeyd edək ki, N. Burcanadze 2001-2008-ci illərdə Gürcüstan parlamentinin sədri olub. Xanım siyasətçi Gürcüstan-Rusiya münasibətlərinin normallaşdırılmasının tərəfdarıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
