İngiltərənin “Lester” klubunda baş məşqçi istefası baş verib.
ONA-nın məlumatına görə, Premyer Liqa təmsilçisi fransalı baş məşqçisi Klod Pyuellə yollarını ayırıb.
57 yaşlı mütəxəssis XXVII turun “Kristal Pelas”la ev oyunundakı 1:4 hesablı məğlubiyyətdən sonra postundan ayrılmalı olub. 2017-ci ilin oktyabrından “Lester”ə rəhbərlik edən Pyuellin təxminən 16 aylıq fəaliyyəti başa çatıb.
Bunadək “Monako”, “Lion”, “Nitsa”, “Sauthempton” kimi klublarda da işləmiş fransalını əvəzləyəcək mütəxəssis hələ müəyyənləşməyib.
Qeyd edək ki, hesabında 32 xal olan “Lester” Premyer Liqanın turnir cədvəlində 12-ci pillədə qərarlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
