InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Foreks bazarlarında EUR/USD məzənnəsi 1.18$-ın üzərində ticarət olunsa da, təhlillərə əsasən, qiymət yenidən 1.1727$-a kimi ucuzlaşmaqla, eniş dalğası 1.1626$-a kimi sürətlənə bilər. Qeyd etmək lazımdır ki, Avrozonada makro iqtisadi göstəricilərin qismən zəifləməsi müşahidə edilir.
Çərşənbə günü və cümə axşamı Bakı vaxtı ilə saat 13:00 açıqlanacaq, Avrozonanın iqtisadi inkişaf və inflyasiyası ilə bağlı önəmli statistik məlumatlar da investorların diqqət mərkəzindədir. İnflyasiya göstəriciləri mərkəzi bankların gələcək monetar siyasətlərinin proqnozlaşdırılması üçün önəmlidir və maliyyə bazarlarında güclü dalğalanmalara səbəb olur.
GBP
Keçən həftə Amerikanın inflyasiya səviyyəsi ilə bağlı yayımlanan fundamental məlumatlardan sonra bahalaşan valyutalar arasında funt sterlinq də olub. Lakin avqust ayının əvvəlindən etibarən GBP/USD qiymətində başlayan eniş dalğası, yenidən 1.2939$-ın aşağı istiqamətdə qırılması ilə 1.2814$-a kimi davam edə bilər. Eyni zamanda, çərşənbə günü Bakı vaxtı ilə saat 12:30-da açıqlanacaq, İngiltərənin əmək bazarı ilə bağlı önəmli statistik məlumatların da, hal-hazırda 1.30$ ətrafında ticarət olunan funt/dollar qiymətinə təsir edəcəyi gözlənilir.
TRY
Türkiyə maliyyə bazarlarında Türk lirəsi qiymətinin 3.53TL-nin altında ticarət ediləcəyi proqnozlaşdırılır. Bununla yanaşı, çərşənbə axşamı Bakı vaxtı ilə saat 11:00-da yayımlanacaq, Türkiyənin də əmək bazarı ilə bağlı fundamental məlumatların lirənin qiymətinə təsir edəcəyi gözlənilir.
OIL
Enerji bazarlarında Avropanın Brent markalı neftinin bir barel qiyməti 52$-ın altında ticarət edilməkdədir. Lakin gələcək günlər ərzində qiymətin yenidən 53$-a kimi dəyər qazana biləcəyi proqnozlaşdırılır. “OPEC”-in aylıq hesabatında cari və gələn illər ərzində neftə olan tələbin daha da arta biləcəyinin vurğulanması, neft qiymətlərinə dəstək olur. ABŞ-da neft ehtiyatlarının da avqust ayında azalması dinamikasının güclənməsi, neft qiymətlərinin bahalaşmasına təsir edən amillərdəndir.
GOLD
Əlvan metallar bazarlarında da qızılın bir unsiya üzrə qiyməti keçən həftə ərzində 1292$-a (41.5 $/qram) kimi bahalaşıb. Təhlillərə əsasən, maliyyə bazarlarında dolların ucuzlaşması ilə bahalaşan, qızıl qiymətləri əlavə olaraq 1295$ (41.6 $/qram) və 1320$-a (42.4 $/qram) kimi də bahalaşa bilər. Amerika Mərkəzi Bankının (FED) faiz siyasəti üzrə artım gözləntilərinin zəif olması və dünyada siyasi risklərin yenidən artması, qızılın daha da bahalaşmasına səbəb olur.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
_____________________________________________________________________________
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.