"Azərsu" ASC Maliyyə Hesabatlarının Beynəlxalq Standartlarına uyğun olaraq 2017-ci il ərzində əvəzsiz alınmış əsas vəsaitlərin yenidən qiymətləndirilməsi və 2017-ci il dekabrın 31-nə əsas vəsaitlərin qiymətdəndüşməyə testləşdirilməsi işlərinin satınalınması məqsədilə kotirovka sorğusu elan edir.
"APA-Economics" Tender komissiyasının yaydığı elana istinadən xəbər verir ki, kotirovka sorğusunda iddiaçı kimi iştirak etmək istəyənlər Bakı şəhəri, Moskva prospekti, 67 ünvanına ("Azərsu" ASC-nin satınalmaların təşkili və idarə olunması departamentinin tenderlərin təşkili şöbəsinə) müraciət edə bilərlər.
Sorğuda iddiaçı kimi iştirak etmək istəyənlər imzalanmış və möhürlənmiş kotirovka təkliflərini 5 dekabr 2017-ci il saat 15:00-dan gec olmamaq şərti ilə təqdim etməlidirlər. Göstərilən müddətdən gec təqdim olunan kotirovka təklifləri baxılmadan geri qaytarılacaq.
Kotirovka təklifləri 6 dekabr 2017-ci il saat 15:00-da açılacaq. İddiaçılar və onların səlahiyyətli nümayəndələri zərflərin açılış prosedurunda iştirak edə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
