Bakı. Könül Kamilqızı – APA. Xızıda avtobusun aşması nəticəsində xəsarət alaraq Klinik Tibbi Mərkəzə yerləşdirilən 2 nəfərdən biri uşaqdır. Klinik Tibbi Mərkəzin baş həkiminin müavini Adil Salahov APA-ya açıqlamasında deyib ki, 2005-ci il təvəllüdlü Nigar Kazımlının vəziyyəti nisbətən ağırdır. Onun sözlərinə görə, digər xəsarət alan, 1964-cü il təvəllüdlü İndira Mollayeva körpücük sümüyünün sınığı diaqnozu ilə xəstəxanaya gətirilib və travması o qədər də ağır deyil: “Hazırda onların hər ikisi reanimasiyadadır. Nigar Kazımlının vəziyyəti nisbətən orta-ağırdır”.
Sumqayıt Şəhər Travmatologiya Xəstəxanasının baş həkiminin müavini Elçin Quliyev hadisə baş verəndən sonra xəstəxanaya 8 xəsarət almış şəxsin gətirildiyini deyib. Onun sözlərinə görə, xəsarət alanlardan biri dünyasını dəyişib, 1 nəfərin stasionar müalicəyə ehtiyacı olmayıb. Digər 1 nəfər isə ilkin tibbi yardım aldıqdan sonra özü gedib: “Hazırda xəstəxanada 5 nəfərin müalicəsi aparılır. Onlardan birinin - Talıbov Vaqif İlyas oğlunun vəziyyəti ağırdır, komadadır".
Qeyd edək ki, ötən gün Xızı rayonu ərazisində “Hyundai” markalı mikroavtobus aşıb. Qəza nəticəsində 3 nəfər ölü, 21 nəfər xəsarət alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
