Bakı-APA. Meksikanın Verakrus ştatında neft zavodunda baş verən partlayış nəticəsində 3 nəfər ölüb, 40 nəfər yaralanıb.
APA-nın Reuters agentliyinə istinadən verdiyi məlumata görə, yüzlərlə insan ərazidən təxliyə olunub.
Verakrus ştatının ictimai təhlükəsizlik naziri Arturo Bermudesin sözlərinə görə, yanğınsöndürənlər yanğını nəzarət altına ala biliblər.
***
03:35
Bakı-APA. Meksikanın Verakrus ştatında neft zavodunda baş verən partlayış nəticəsində 30 nəfər xəsarət alıb.
APA-nın TASS agentliyinə istinadən verdiyi xəbərə görə, bu barədə “Pemex” neft-qaz şirkətinin açıqlamasında bildirilir.
“Dəqiqləşdirilmiş məlumata görə, partlayış nəticəsində xəsarət alanların sayı 30-a çatıb”, şirkətdən bildiriblər.
Hazırda ərazidə xilasedici əməliyyat davam etdirilir, zavod əməkdaşları təxliyə olunur.
***
02:05
Bakı-APA. Meksikada neft zavodunda partlayış baş verib.
APA-nın “Gazeta.ru”-ya istinadən verdiyi məlumata görə, hadisə nəticəsində azı 3 fəhlə xəsarət alıb.
Müəssisənin “Petroquímica Mexicana de Vinilo” şirkətinə məxsus olduğu bildirilir. Hadisənin başvermə səbəbləri hələ ki, məlum deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
