Bakı. Fərid Mirzəyev - APA. Azərbaycanda Uşaq Məlumat Bankı yaradılır. Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov APA-ya açıqlamasında deyib ki, Uşaq Məlumat Bankı gələn il fəaliyyətə başlayacaq.
O bildirib ki, Məlumat Bankında uşaqlar haqda bütün məlumatlar toplanacaq: “Məlumat Bankında 38 bənd üzrə məlumatlar olacaq. Uşaqların bilik səviyyəsi, yaşayış yeri, aliment və sosial müavinət alıb-almamağı, habelə digər məsələlərlə bağlı ətraflı məlumatlar da Məlumat Bankında toplanacaq”.
Şöbə müdiri qeyd edib ki, Uşaq Məlumat Bankının maketi, texniki komponentləri hazırlanıb: “Uşaq Məlumat Bankı üzərində 7 dövlət qurumu tərəfindən iş aparılır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
