Bakı. Yeganə Laçınzadə - APA-Economics. Azərbaycanın bank sektoruna gətirdiyi bir çox ilklərlə yenilikçi adını qazanan “Bank of Baku” bu dəfə aktiv plastik kart istifadəçilərini sevindirəcək.
Bankdan “APA-Economics”ə verilən xəbərə görə, üstün müştəri xidmətlərinin təkmilləşdirilməsi istiqamətində atılan növbəti addım, şəxsi vəsaitlərin istifadəsi üçün nəzərdə tutulan debet plastik kart sahiblərinə heç bir xidmət haqqı tutulmadan əlavə vaxt qazandırmaq və onlara 24 saat ərzində xidmətdən növbəsiz istifadə etmək imkanını verəcək.
Belə ki, bankın baş idarə və bütün filiallarında, həmçinin partnyor mağazalar şəbəkələrində, ticarət mərkəzlərində yerləşdirilmiş ödəniş terminalları vasitəsilə müştərilərimiz öz debet kartlarına vəsaiti nağd üsulla mədaxil etdiyi zaman, vəsait dərhal kartın balansına oturacaq.
Bununla yanaşı, müştərilər ödəniş terminalları vasitəsilə bir çox əməliyyatları icra edə bilərlər. Bunlara istehlak kreditlərinin ödənişi, kredit sifarişi, əmanət hesablarının artırılması, cari və kart hesablarına pulun yerləşdirilməsi, virtual kartın alınması, bankla olan tarixçənin öyrənilməsi, kommunal, mobil rabitə, sığorta və digər xidmətlərinin ödənişi daxildir.
Qeyd edək ki, 2008-ci ildə ödəniş terminallarının ölkədə ilk dəfə tətbiqinə başlayan “Bank of Baku” bazarda özünəxidmət məntəqələrinin genişləndirilməsi işinə təkan verib.
Hal-hazırda bankın ölkə üzrə 140-dan çox ödəniş terminalları 24 saat ərzində müştərilərin xidmətindədir. Ödəmə terminalları haqqında daha ətraflı məlumatı bu linkə (https://www.bankofbaku.com/az/filials-and-atms/terminals/) daxil olmaqla əldə edə bilərsiniz.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
