Bakı. Türbət Bağırova-APA. Malayziya polisi ölkədə terror aktı planlaşdıran İŞİD silahlısını saxlayıb.
APA-nın “Reuters”ə istinadən verdiyi xəbərə görə, silahlı şəxs paytaxt Kuala Lumpur yaxınlığındakı vağzalda həbs edilib. Saxlanılan şəxsdən İŞİD-lə əlaqəli olmasını təsdiqləyən sənədlər və silah-sursat götürülüb. O, özünü partlatmaq niyyətində olduğunu etiraf edib.
Qeyd edək ki, dünyada baş verən terror hücumları ilə əlaqədar ölkədə əsasən əhalinin sıx olduğu yerlədə, sərhəd bölgələrində təhlükəsizlik tədbirləri gücləndirilib.