Bakı - APA-Economics. SOCAR bu ilin sonunadək CNG (sıxılmış təbii qaz) stansiyalarının sayını 5-ə çatdırmağı planlaşdırır. "APA-Economics" xəbər verir ki, bu barədə SOCAR-ın vitse-prezidenti David Məmmədov bildirib.
"Hazırda Bakı ərazisində 2 CNG stansiyamız fəaliyyət göstərir. İlin sonunadək daha 3 belə stansiyamız istifadəyə veriləcək. Beləliklə, CNG stansiyalarımızın sayı 5 çatacaq. Hazırda fəaliyyətdə olan CNG stansiyalar kimi, yeni açılacaq stansiyalar da Bakıda yerləşəcək", - deyə D. Məmmədov qeyd edib.