Xaçmaz. Vəli Turan - APA. Bu gün Xaçmaz rayonunda yaşayış evi yanıb.
APA-nın şimal bürosunun verdiyi məlumata görə, hadisə rayonun Çarxı kəndində
qeydə alınıb.
Kənd sakini 1952-ci il təvəllüdlü Mahmudov Gizir İbrahim oğluna məxsus, ümumi sahəsi 150 kvadratmetr olan birmərtəbəli, 3 otaq, bir aynabənddən ibarət evin dam örtüyünün yanar konstruksiyaları 70 kv/m sahədə, bir otağın 18 kv/m-i isə ev əşyaları ilə birlikdə yanıb.
Yanğının söndürülməsinə Xaçmaz Dövlət Yanğından Mühafizə Hissəsindən 2, Xudat
Yanğından Mühafizə Bölməsindən 1 maşın cəlb olunub.
Yanğının daha geniş əraziyə yayılmasının qarşısı alınıb. Yanğın zamanı xəsarət alan olmayıb.
Yanğının başvermə səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
