Gürcüstanın Daxili İşlər Nazirliyi (DİN) Borjomi-Xaraqulsk qoruğunda yanğınların söndürülməsində iştirak edən Sərhəd Polisinin “Mi-8” vertolyotunun suya düşməsi ilə bağlı rəsmi məlumat yayıb.
APA-nın yerli bürosunun DİN-ə istinadla verdiyi məlumata əsasən, vertolyot süni göldən su götürərkən qəzaya uğrayıb.
Pilotların peşəkarlığı və operativliyi sayəsində böyük faciənin qarşısı alınıb. Vertolyotun 4 heyət üzvü Tbilisidə xəstəxanaya yerləşdirilib, həyatları təhlükə altında deyil. DİN-in məlumatında qeyd olunub ki, “Mi-8” vertolyotu avqustun 25-də yoxlamadan keçirilib və onun mühərriki tam qaydasında olub.
DİN faktla bağlı istintaqa başlayıb.
***
saat 11.27
Gürcüstan Dövlət Sərhəd Xidmətinin Borjomi-Xaraqulsk qoruğunda baş vermiş meşə yanğınların söndürülməsində iştirak edən vertolyotu suya düşüb.
APA-nın “apsny.ge” saytına istinadən verdiyi məlumata görə, vertolyotun heyəti xəsarət almayıb.
Bu, Gürcüstan Dövlət Sərhəd Xidmətinin meşə yanğınlarının söndürülməsində istifadə edilən yeganə vertolyotu olub. Vertolyotun düşdüyü əraziyə Azərbaycan yanğınsöndürmə briqadası da daxil olmaqla, bir neçə briqada göndərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
