Almaniya hüquq-mühafizə orqanları Türkiyədə 15 iyul hərbi çevriliş cəhdinə rəhbərlik etmiş şəxslərdən biri - hazırda mühacirətdə olan Adil Öksüzün yaxalanması ilə bağlı qərar çıxarıb.
APA-nın Türkiyənin “Yeni Şafak” qəzetinə istinadən verdiyi məlumata görə, bu barədə Almaniya federal kansleri Angela Merkel Türkiyə prezidenti Rəcəb Tayyib Ərdoğanla telefon danışığı zamanı bildirib.
FETÖ-nün Türkiyə Silahlı Qüvvələrindəki imamı sayılan A. Öksüzün adı Türkiyə Daxili İşlər Nazirliyi tərəfindən tərtib edilən terrorçular siyahısında “qırmızı kateqoriya”ya daxil edilib. İyulun 15-də saxlanılan və ertəsi gün şərti azadlığa buraxılan A. Öksüzün Almaniyaya qaçdığı bildirilir.
FETÖ-nün “sirr dağarcığı” hesab olunan A. Öksüzün yeri barədə məlumat verən şəxsə Türkiyə dövləti 4 milyon lirə mükafat vəd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
