Bakı Ağır Cinayətlər Məhkəməsində dələduzluqda təqsirləndirilən İslam Əhmədovun cinayət işi üzrə məhkəmə prosesi başa çatıb.
APA-nın xəbərinə görə, hakim Zeynal Ağayevin sədrliyi ilə keçirilən prosesdə hökm oxunub.
Hökmə əsasən, İ. Əhmədov 8 il müddətinə azadlıqdan məhrum edilib.
İ. Əhmədov Bakıda dəllallıqla məşğul olub. İttihama görə, o, Bakı sakininin etibarından istifadə edərək, başqasının adına olan torpaq sahəsini saxta sənədlə sataraq, ona qarşı 40 min manatlıq dələduzluq etməkdə təqsirli bilinir.
İ. Əhmədov barəsində Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi üzrə cinayət işi başlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
