2017-ci ilin I yarısında "Bank Silk Way" ASC-nin aktivlərinin həcmi 411 mln. 349,65 min manat təşkil edib ki, bu da ötən ilin müvafiq dövrünün göstəricisi ilə müqayisədə 12,88% çoxdur.
"APA-Economics" bankın açıqladığı hesabata istinadən xəbər verir ki, hesabat dövründə bankın kredit portfeli 8,49% artaraq 375 mln. 649,66 min manat olub.
Bankın depozit portfeli 2017-ci ilin yanvar-iyun ayları ərzində 17,46% artaraq 174 mln. 91,45 min manata çatıb. Hesabat dövründə əhalinin əmanətlərinin həcmi isə 143,351 mln. manata bərabər olub ki, bu da illik müqayisədə 5,26% çoxdur.
Hesabat dövründə bankın öhdəliklərinin həcmi 13,53% artaraq 292 mln. 617,74 min manat təşkil edib.
2017-ci ilin iyunun 30-na bankın nizamnamə kapitalı 6,30% artaraq 107 mln. 945,41 min manat təşkil edib. Bankın məcmu kapitalı isə 6,42% artaraq 113 mln. 404,38 min manata çatıb ki, bu da tənzimləyicinin kapitala dair minimal tələbdən (50 mln. manat) 2,3 dəfə çoxdur.
Cari ilin ilk yarısını bank 2 mln. 959,06 min manatlıq mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
